Погба Туринга етиб келди
08 июл 2022 19:27
Новости

Погба Туринга етиб келди

Франциялик ярим ҳимоячи Поль Погба Туриннинг "Ювентус" клубига қайтишга жуда яқин турибди.

Ижтимоий тармоқлардаги саҳифасида француз ўйинчиси ўзининг самолётдаги видеосини жойлаштирди. Футболчи: "Погба деярли қайтди" деган ёзув билан изоҳ қолдирди.

Унинг Туринга келиши ҳақидаги маълумотни италиялик журналист Фабрицио Романо тасдиқлади. Погба ва ди Мариянинг трансфери деярли бир вақтда эълон қилиниши кутилмоқда. Эслатиб ўтамиз, аргентиналик ўйинчи Туринга кеча етиб келганди.

Погба "Ювентус"га эркин агент сифатида қайтади. Ўз вақтида француз ярим ҳимоячиси "кекса синьора" таркибида 4 марта А серия чемпионлигини қўлга киритган, шунингдек, 2015 йил Чемпионлар лигаси финалига чиққан.

Ссылка :

Источник : twitter.com/FabrizioRomano

Получайте новости прямо в Telegram!

Рейтинг: +3