Платини "Олтин тўп" ҳақида: "Ҳозир фаворит – Месси, унинг ортидан Роналду келмоқда"

"Айни пайтда яққол фаворит Лионель Месси бўлиб турибди. Унинг ортидан Криштиану Роналду келмоқда. Лекин, ҳозир энди июнь ойидамиз. Олдинда кўп вақт ва мусобақалар бор. Леонинг ўйин даражаси "Барселона" "Ливерпуль"га мағлуб бўлганига қарамасдан, бошқа исталган футболчидан ўтиб кетади. 

Мбаппе? Мен уни охирги 10 йилликнинг ҳукмронлари Роналду ва Мессининг эҳтимолий издоши сифатида кўряпман. Килиан куч, тезлик ва вазиятларни амалга ошира олиш қобилияти бўйича бразилиялик Роналдони эслатиб юбормоқда. У ҳали анчагина ёш ва омадга эришиши учун ҳамма нарсага эга. Мбаппе янги француз авлодида мен учун хатто Гризманндан ҳам юқори туради.

Неймар футбол ўйнашда консентрацияни йўқотиб қўйган. Бу унинг фаолиятига салбий таъсир ўтказмасдан қолмайди. У ўз муносабатларини кўриб чиқиши лозим. Чунки, ПСЖ ва Бразилия термаси билан катта натижаларга эриша олиши мумкин. Умид қиламанки, келаётган Америка кубогида аввалги Неймарни кўрамиз", - дейди Платини.