Питер Хюистра: "Машариповнинг маошини тўлаб, қайтариб олсак зўр бўларди"
27 июн 2021 22:40
Новости

Питер Хюистра: "Машариповнинг маошини тўлаб, қайтариб олсак зўр бўларди"

Суперлиганинг 11-туридан ўрин олган "Сурхон" - "Пахтакор" (0:4) учрашувидан сўнг меҳмонлар бош мураббий Питер Хюистра фикрларини билдириб ўтди.

"Ўйинни яхши бошладик. Тезкор гол ишимизни анча осонлаштирди. Биринчи бўлимда кўпроқ гол уришимиз мумкин эди. Лекин битта тўп кирита олдик. Тезкор гол ишонч берди. Захирадан қўшилган футболчилар ҳам ўйинни хотиржам назорат қилди. Барча футболчилар яхши ўйнашди. Бугунги ғалабадан кўнглим тўлди", - дейди Питер Хюистра.

- Шерзод Темировда ҳужумчига ҳос ҳислатлар қанчалик шаклланмоқда?
- Жамоада яққол ҳужумчи йўқлиги боис Шерзод Темировни ўйнатмоқдамиз. Тўпни қабул қилиб олишда тўғри позицияда ўйнай олади. У хали ривожланиши керак. Олдинда нима бўлишини кўрамиз.

- Жалолиддин Машарипов агар "Пахтакор" етарли шароит яратиб берса эртага қайтишга тайёрман, деди. Жалолиддин Машарипов жамоага керакми?
- У зўр футболчи. Маошини тўлаб, қайтариб олсак яхши бўларди. Лекин ҳозирда Жалол "Ал Насср" футболчиси. Менимча, ўз жамоасида ўйнаса керак. Собиқ футболчиларни дўстларини кўрганини келиб қўллаб-қувватлаши яхши ҳолат. Унинг кейинги фаолиятига омад тилайман.

Ссылка :

Источник : championat.asia

Получайте новости прямо в Telegram!

Рейтинг: +16