ПФЛ: Темурхўжа Абдуҳолиқов 3та ўйинга дисквалификация қилинди

Чемпионат
«Қизилқум»га қарши 18-тур ўйинида рақибига оёқ билан зарба бергани учун «Динамо» ҳимоячиси Акмал Бозоров учта ўйинга четлатилди ва жаримага тортилди.

«Олмалиқ» ҳужумчиси Шавкат Саломов ҳамда «Машъал» дарвозабони Ботир Носиров 19-тур доирасидаги «Олмалиқ» – «Машъал» учрашуви якунлангач ўзаро жанжаллашгани учун жаримага тортилдилар ва огоҳлантирилишди. Шунга ўхшаш ҳолат такрорланадиган бўлса жиддий чора кўрилади.


Кубок
«Насаф»га қарши Ўзбекистон Кубоги ½ финали дастлабки учрашувида ҳакамни ҳақорат қилгани учун майдондан четлатилган «Локомотив» ҳужумчиси Темурхўжа Абдуҳолиқов 3та ўйинга дисквалификация қилинди ва жаримага тортилди.


Биринчи Лига
«Хотира-79» ҳужумчиси Д. Абдужабборов иккинчи босқич 1-туридан ўрин олган «Зомин» клубига қарши учрашувдаги агрессив ҳатти-ҳаракатлари учун 3та ўйинга дисквалификация қилинди.

«Хотира-79» ҳужумчиси Соҳиб Абдуллаев иккинчи босқич 1-турида «Зомин»га қарши ўйинда учрашув ҳакамини ҳақорат қилгани учун 3та ўйинга дисквалификаци қилинди.

«Хотира-79» клуби бошлиғи Илхом Отавалиев «Зомин»га қарши иккинчи босқич 1-тур учрашуви якунлангач ҳакамга оёғи билан зарба бергани учун 2015 йилги мавсум охиригача дисквалификация қилинди.

«Обод» ҳимоячиси Камолиддин Тожибоев иккинчи босқич 1-турида «Косонсой»га қарши учрашувда тўп учун курашда рақибига нисбатан атайин зарба бергани учун иккита ўйинга четлатилди ва жаримага тортилди.

«Насаф-2» ҳужумчиси С. Есибаев иккинчи босқич 1-тури доирасидаги «Ёзёвон-Лочинлари»га қарши учрашувдаги агрессив ҳатти-ҳаракатлари учун 3та ўйинга четлатилди.

«Пахтакор-2» ҳужумчиси Беҳзод Ғанижонов «Насаф-2» клубига қарши иккинчи босқич 3-тур учрашувида ҳакамни ҳақорат қилгани учун 3та ўйинга четлатилди.