Пети "Арсенал" ҳақида: "Баъзи футболчилар кейинги даражага чиқишини кутяпман – Мартинелли, мисол учун. У Сака билан бир хил ҳолатда эди, аммо ҳозир..."

"Сака бир неча ҳафтага сафдан чиқди – бу жамоа учун жиддий зарба. Энди бошқа футболчилар ўзларини кўрсатишлари ва масъулиятни бўйниларига олишлари зарур.

Баъзи футборлчилар кейинги даражага чиқишларини кутяпман ва бу борада вазият унчалик мен кутганчалик эмас. Мен ҳамон улар кучайишидан умидворман.

Мен, мисол учун, Мартинелли ҳақида гапиряпман. Унинг ўйинидан қониқмаяпман. У "Кристал Пэлас"га қарши яхши ўйнади, аммо бунинг ўзи етарли эмас.

Сиз унинг босиб ўтган йўлига ва асосий жамоа таркибига келишига қарайсиз. Бир эсланг, у Сака билан тахминан бир хил даврда асосий жамоага қўшилган. Букайо мавсумдан-мавсумга ўсиб, кучайиб боряпти, ҳозир у АПЛнинг энг яхши футболчиларидан бири. Шунинг учун: "Шундай ҳолат Мартинелли билан қачон юз бераркин?", - деб кутяпман.

У менинг рўйхатимдаги ягона футболчи эмас. Габриэл Жезусга ҳам шунга ўхшаш гапларим бор. У яхши ўйнаяпти, лекин бу етарли эмас", – деди "Арсенал" собиқ футболчиси Эммануэль Пети "Ladbrokes"га берган интервьюсида.