Перишич инглиз клуби билан келишувга эришди

Журналист Франк Халид хабарига кўра, хорватиялик ярим ҳимоячи “кўклар” билан шахсий шартнома борасида келишиб олган ва ҳозирда янги хўжайинлар билан боғлиқ вазият ҳал бўлишини кутмоқда.

Эслатиб ўтамиз, Перишичнинг "Интер" билан амалдаги шартномаси жорий мавсум охирида якунига етади. Шу тариқа хорват футболчиси эркин агент сифатида "Стэмфорд Бридж"га йўл олиши мумкин.

Аввалроқ Перишич маош борасида келишмовчиликлар туфайли "Интер" билан янги шартнома борасида келиша олмаётгани хабар қилинганди. Куни кеча хорватиялик футболчи Италия кубоги финалида “Ювентус”га қарши ўйинда дубль қайд этди ва “нерадзурри”нинг совринни қўлга киритишида ёрдам берди.