Пеп Гвардиола: "Бизда 9 очко бўлиши керак эди, лекин ҳаммаси жойида"
25 авг 2019 21:25
Новости

Пеп Гвардиола: "Бизда 9 очко бўлиши керак эди, лекин ҳаммаси жойида"

"Манчестер Сити" бош мураббийи Пеп Гвардиола АПЛ 3-турида жамоаси билан "Борнмут" сафаридан 3 очко билан қайтадиган бўлди.

Ўйинда 1:3 ҳисоби қайд этилди. Мазкур тўқнашувдан сўнг матбуот анжуманида испаниялик совриндор мутахассис жамоасининг ўйини ва бошқа фикрлари билан бўлишди.

"Бугун кўп имкониятлар яратмадик. Аммо, Стерлинг ҳали ҳам гол урмоқда ва бу биз учун яхши. (Раҳим Стерлинг АПЛда 5 та гол урди). Давид Силва қойилмақом ўйин кўрсатди. Шундай баҳсларда рақиб чуқур ҳимояланган ва деярли бўш зоналар қолдирмаганда унинг маҳорати бизга қўл келмоқда. У мен кўрганларим орасида энг яхши футболчилардан бири.
Оғир ўйин ўтказдик. Шундай бўлишини олдиндан билардик. Ҳозир ҳисобимизда 7 очко бор. Лекин, бу рақам 9 бўлиши лозим эди. Шунга қарамай, бизда ҳаммаси жойида", - дея таъкидлади Гвардиола.