Пеп Гвардиола: "Байрамда йиғилган барча ортиқча вазн шу ўйинда ташланди"

"Рождествода йиғилган барча ортиқча вазнни шу ўйинда ташладим. Яна ўз ҳолатимга қайтдим. Шон Дайч қандай жамоа қурди-я... Бу уч очко бизга жуда-жуда муҳим эди.

"Ноттингем Форест" - зўр жамоа. Улар ақлбовар қилмас ўйин кўрсатишмоқда. Игор барча яккакурашларда ғолиб бўлмоқда. Таркиб сифатли футболчилардан ташкил топган. Ўтган мавсум якунларига кўра, фақатгина бир неча очко уларни ЕЧЛдан узоқлаштирди. Улар энди еврокубокларда ўйнашмоқда. Фантастик жамоага қарши сафарда, айниқса, қишда ўйнаш - жуда қийин.

Сўнгги кунлар давомида биз бу ҳақда кўп гапирдик. Қишда "Ноттингем Форест" майдонига келиш керак экан, келдик. Агарда тайёр бўлмаганимизда бу ўйинда ғолиб бўла олмасдик. Жамоанинг менталитети жуда юқори. Шу сабабли йигитлардан мамнунман".

Ўзгаришлар ҳақида

"Тўп чизиғида жуда кўп футболчилар тўпланиб қолишди ва шу сабабли бўш ҳудудлар кам эди. Биз эса ҳимоядан тез чиқишни бошладик. Кенг ўйнаганимиздан кейингина вазиятлар яратдик".

Пешқадамлик ҳақида

"18 ўйин ўйнадик, биринчи даврани якунлашда оз вақт қолди. Иккинчи даврада ҳам ҳудди ҳозиргидагидек ўйинлар бизни кутмоқда. Премьер-лига йилдан-йилга кучайиб, қийинлашиб бормоқда. Бугунги ғалаба ёки мағлубият ҳеч нарсани англатмасди. Олдинда ўйинлар кўп", - деди Гвардиола.