RU

Последние новости

14:18"Спортинг" Сегунда тўпурарини харид қилмоқда  0 13:50Instagram орқали мураббий излаётган Ҳиндистон Хавига рад жавобини берди  4 13:22Андреа Пирло Дубай жамоаси бош мураббийи этиб тайинланди  2 12:54"Алавес" "Барселона" тарбияланувчиси трансферини эълон қилди  1 12:25"Шўртан" 7 нафар футболчиси билан шартномани бекор қилди  1 11:57"Эвертон" мухлисларини АҚШдаги эксклюзив очиқ машғулотга таклиф қилди  0 11:22Сегунда клуби 6 ойда 20 000 томошабинга мўлжалланган вақтинчалик стадион қурди  7 10:53Англия терма жамоаси аъзоси "Арсенал"га ўтмоқда  4 10:20Россиянинг олти карра чемпиони фаолиятини юртимизда давом эттириши мумкин  28 09:46"Андижон" нигериялик ҳужумчи билан шартнома имзолаши мумкин  5 09:11"Навбаҳор"нинг Аброр Исмоилов олдида қанча қарзи борлиги маълум бўлди  15 08:32"FourFourTwo" "Барселона" тарихидаги энг яхши футболчилар рейтингини тузди  16 08:13Райс мухлисларнинг норозилиги ҳақида: "Бу менга ёқмади. Мадуэке ҳали нималарга қодирлигини кўрсатади"  0 01:48Камавинга ва Себальоснинг "Реал"даги тақдири маълум бўлди  0 01:15"Атлетико" Линони 25 миллион еврога сотиб юборди  0

Педру Морейра: "Фақатгина ишлашда давом этишимиз керак" Новости

Педру Морейра: "Фақатгина ишлашда давом этишимиз керак"

Суперлига 3-туридан ўрин олган "Пахтакор" - "Динамо" (0:1) учрашувидан сўнг мезбонлар бош мураббийи Педру Морейра ўйиндан кейинги матбуот анжуманида иштирок этди.

"Биз ўйинни жуда яхши бошладик. Ўйин давомида кўплаб вазиятларга эга бўлдик ва устунлик қилдик. Ўтган ҳафта йўлга қўйган хатоларимизни кўриб чиққандик. Тўғрилашимиз керак бўлган муаммолар бор, уларни имкон қадар тезроқ ҳал этишимиз керак. Кичик хатолар сабабли бугунги учрашувда мағлуб бўлдик" - дея фикр билдирди португалиялик мутахассис ўйин ҳақида.

- "Пахтакор" ОЧЛда ўзидан кучли бўлган жамоаларни ҳимоявий ўйин ва тезкор қарши ҳужумларга таянган ҳолда мағлуб этди. "Пахтакор" кўпроқ ҳужум қилиши ва тўпга эгалик қилиши керак бўлган ўйинларда эса жамоа мағлуб бўлди. Масалан, ОКМК ва "Динамо" жамоангиз билан тўқнаш келганда кўпроқ ҳимояланишди. "Пахтакор" ростдан ҳужумкор ўйин намойиш этишда қийналмоқдами?

- Суперлига энди бошланди. Бизни олдинда узун йўл кутиб турибди ва биз барча қийинчиликларга тайёр бўлишимиз керак. Хатоларимиз устида ишлашимиз керак. Ҳужумда ҳам тезроқ ҳаракат қилишимиз керак. Имкониятларимиздан яхшироқ фойдаланишимиз керак. Сўнгги икки учрашувда рақибларимиз тезкор қарши ҳужумда ўтишди. Биз эса шундай вазиятларга тайёр бўлишимиз керак. Биз ўйин якунига келибгина ҳужумга зўр бердик, аслида эса биринчи дақиқаларданоқ шундай ўйнашимиз керак эди.

- Жамоада бир нечта муаммолар бор дедингиз. Ушбу муаммолар футболчилар мураббийнинг ғоясини тушунмаётганимданми ёки муаммо футболчиларнинг ўзидами?

- Мен барча футболчиларга ишонаман. Биз фақатгина ишлашда давом этишимиз керак. Машғулотларда булар устида ишлашимиз керак. Қайси футболчилар майдонга тушиши, менинг штабим билан муҳокамадан сўнг ҳал бўлади.

- "Пахтакор"нинг услуби доимий ҳужум ва қанот ҳимоячиларининг юқори позицияда ҳаракатланишига асосланган. Уч марказий ҳимоячи услубини синаб кўриш ҳақида ўйлаб кўрмадингизми? Сабаби, иккинчи бўлимда жамоангиз кўп ҳужум қилаётганида, "Динамо" қарши ҳужумларда сон жиҳатдан устунлик қилди. Рақибнинг учта ҳужумчисига қарши бор-йўғи иккита марказий ҳимоячи қолиб кетди. Шу ҳолатларни инобатга олган ҳолда, учта марказий ҳимоячи билан ўйнаб кўриш ҳақида ўйламадингизми?

- Биз ҳар доим рақиб қандай услуб танлаши ҳақида ўйлаймиз. Биз турли хил услубларни синаб кўрамиз. Биз ўйин бошида бироз бошқачароқ ўйнадик, кейинчалик эса уч марказий ҳимоячи услубига ўтиб олдик. Сўнгги дақиқаларда эса ҳужумга кўпроқ эътибор қаратиш учун Жўрақўзиевни майдонга туширдик. Биз Анталияда барча тактик услубларни кўриб чиққанмиз ва керакли вазиятда тактикамизни ўзгартира оламиз.

- "Пахтакор" дастлабки икки учрашувда мағлуб бўлди. Клубдаги келажагингиз ҳақида нима деб ўйлайсиз? Бундай кутилмаган мағлубиятлардан сўнг раҳбарият сизни истеъфога чиқариши ҳам мумкин...

- Мен фақатгина ўз ишим ҳақида ўйлашимиз керак. Ўзингиз кўрдингиз бугун биз ғалаба қозониш учун қўлимиздан келганча ҳаракат қилдик, аммо кичик деталлар ўйин тақдирини ҳал этди. Ўз амбицияларимизга муносиб бўлишимиз керак.



Рейтинг: -8   

Комментарии

championat.asia
< посмотреть последние новости
Яндекс.Метрика