"Пахтакор": Ёшларимиз мавсумни ғалаба билан бошлашди

Бугун ёшлар лигаси старт олди. "Пахтакор" 1-турни Шаҳрихонда "Андижон"га қарши ўтказиб, ўз муваффақиятини нишонлади. Ўйин бошланиши билан ҳужумга ташланган ёшларимиз илк дақиқанинг ўзида пенальти тепиш имкониятини қўлга киритишди. Мезбонлар ҳимоячиси тўпни қўли билан ўйнагани сабабли белгиланган пенальтидан Махситалиев унумли фойдаланди. 15-дақиқада эса Юсупов жарима зарбасини амалга оширди. Дарвозабон қайтарган тўпга биринчи бўлиб етиб келган Рогованов ҳисобни катталаштирди. Бўлим охирида жамоалар биттадан тўп киритишди. Дастлаб Отахонов қўполлик ишлатгани туфайли мезбонлар 11 метрлик зарба тепишди ва Парпиев ҳисобни қисқартирди. 45-дақиқада Абдулҳоқов ҳисобни 3:1 кўринишига келтирди.

Иккинчи бўлимда ҳам ташаббусга эришган футболчиларимиз 59-дақиқада ҳисобни йириклаштиришди. Бу сафар ҳам Рогованов ўзини кўрсатди. Шу тариқа сафардаги учрашувда йирик 4:1 ҳисобида ғалаба қозонган ёшлар жамоаси илк ўйинда 3 очкони қўлга киритди.

"АНДИЖОН" - "ПАХТАКОР" - 1:4 (1:3)
14 март. Шаҳрихон. 33-ФДИМИ стадиони.
"Пахтакор": Никита Рибкин (Акмал Турсунбоев, 30) , Жамшид Болтабоев (Абдурасул Комилов, 46), Муҳсин Убайдуллаев, Аббос Отахонов, Ҳумоюн Аъзамов (Виктор Григорьев, 79), Жавоҳир Соҳибов, Равшан Хурсанов (Темур Толипов 65), Абдураҳмон Абдулҳоқов (Ислом Каримов, 80), Аббос Махситалиев (Жавоҳир Сидиқов 76),  Абдул Азиз Юсупов (Иззатилла Абдуллаев, 76), Игорь Рогованов.
Голлар: Парпиев, 42-пен - Махситалиев 1-пен, Рогованов, 15. Абдулҳоқов, 45. Рогованов, 59.
Огоҳлантиришлар: Отахонов, 41. Толипов, 88.