"Пахтакор" - "Қўқон-1912". Учрашувга оид маълумотлар

Тайёргарлик
1-турни ҳар икки жамоа ғалаба билан якунлади. Нўъмон Ҳасанов бошчилигидаги жамоамиз Қибрайда чоршанба кунидан ўйинга фаол тайёргарликка киришади. Қўқонликларнинг янги устози Мурод Исмоилов эса шогирдлари билан аллақачон бу жараённи бошлаб юборган. Жамоалар сафида учрашувни дисквалификация сабабли ўтказиб юборадиган футболчилар йўқ.
 
Қарама-қаршилик
Ҳозиргача жамоалар олий лига тарихида 20 бор тўқнаш келишган. Уларнинг 12тасида "Пахтакор", 5тасида "Қўқон-1912" ғалаба қозонган. 3 баҳс дуранг билан тугаган. "Шерлар" 59, қўқонликлар 33 марта гол уришган. Тошкентда ўтган 10 беллашувнинг 9тасида жамоамиз зафар қучган. Бир бор меҳмонларнинг қўли баланд келган. Сўнгги 7 ўйинда "Пахтакор" Тошкентда фақат муваффақият қозонган.
 
Ўйин расмийлари
Беллашувни Олим Толибжонов бошчилигидаги ҳакамлар гуруҳи бошқаради. Шу пайтгача Толибжонов олий лигада жамоамиз иштирокидаги 16 баҳсни бошқарган. Уларнинг 15тасида ғолиб чиққан "Пахтакор" бир бор дурангга имзо чеккан. Қанотларда унга Артём Калинин ва Баҳодир Баҳромов ёрдам беради.
 
"ПАХТАКОР" - "ҚЎҚОН-1912"
Ҳакамлар: Олим Толибжонов (Тошкент), Артём Калинин (Қарши), Баҳодир Баҳромов (Тошкент), Фирдавс Норсафаров (Қарши).
Назоратчи: Элбек Мусаев (Самарқанд).
 
Чипталар
Чипталарни ўйин куни "Пахтакор" стадиони кассаларидан 5 ва 15 минг сўмдан харид қилиш имкониятига эга бўласиз.
 
Ёшлар таркиблари баҳси 10 март, пайшанба куни соат 16:00да Қибрайдаги стадионда бошланади. Асосий жамоалар учрашуви 11 март, жума куни 17:30да "Пахтакор" стадионида старт олади. Ишқибозларни мамлакатимизнинг энг совриндор клуби ва ўзбек футболи ватани шаҳри жамоалари ўртасидаги беллашувга таклиф этиб қоламиз.