"Пахтакор" Осиё чемпионларини тақдирлади
31 янв 2018 18:45
Новости

"Пахтакор" Осиё чемпионларини тақдирлади

Тошкентнинг Пахтакор клуби Хитой бўлиб ўтган U23 Осиё чемпионатида ғолиб бўлган Ўзбекистон терма жамоасини тақдирлади.

Бу ҳақда "шерлар" расмий сайти хабар берди.

"Пахтакор" стадиони мажлислар залида бўлиб ўтган маросимда Ўзбекистон Миллий Олимпия Қўмитаси Президенти, Ўзбекистон Футбол Ассоциацияси вице-президенти Умид Аҳмаджонов, ЎФА Ижроқўм аъзоси, “Пахтакор” ФК президенти Бобур Шодиев, чет эл иштирокидаги SFI Management Group МЧЖ бош директори Улуғбек Муҳамедов, "Пахтакор" бош мураббийи Шота Арвеладзе, Ўзбекистон футбол ассоциацияси масъуллари, футболчилар ва мураббийлар иштирок этишди.

Осиё чемпионатида Ватанимиз номини юксакларга кўтарган ва мазмунли ўйин намойиш қилиб, Осиё чемпиони деган шарафли номга сазовор бўлган футболчилар ва мураббийларга “Пахтакор” ФК президенти Бобур Шодиев томонидан пул мукофотлари топширилди.

"Пахтакор" футбол клуби ўзбек футболи йўлида катта меҳнат қилаётган инсонларни ҳамиша ҳурмат қилади ва уларни қадрлайди - дейилади Тошкент клуби сайти берган хабарда.

Ссылка :

Источник : Championat.asia

Получайте новости прямо в Telegram!

Рейтинг: +44