Пандемия ҳали тугамади: ЖЧ саралаш ўйинлари яна кўчирилади
18 фев 2021 14:06
Новости
![](https://championat.asia/upload/storage/620805_original.jpg)
![](/upload/storage/620805_220.jpg)
Пандемия ҳали тугамади: ЖЧ саралаш ўйинлари яна кўчирилади
"ЖЧ-2022 ва Осиё Кубоги-2023 саралаш босқичи ўйинларининг март ойидан июнь ойига кўчирилиши ва давом этаётган пандемия сабаб ОЧЛда қатнашадиган Хитой клубларининг иштирокига минус таъсир қилиши мумкин".
"Хитой ОАВ ёзишича, ОЧЛда қатнашадиган тўртта клубнинг бирортаси марказлашган мусобақада энг кучли таркиби билан ўйнай олмайди. Агар гуруҳ босқичи беллашувлари апрель-май ойларида ташкил қилинса, клублар Хитойга қайтиб ўзларининг асосий футболчиларини 2-3 ҳафта карантинда қолишларини хоҳламайди", - деб ёзади Алишер Файзуллаевич.
Бу йилги Осиё чемпионлар лигасининг гуруҳ босқичи марказлашган тартибда ўтказилишидан хабарингиз бор. Шунингдек, март ойида ЖЧ саралаш баҳслари бўлиб ўтиши лозим эди. Тақвимга кўра, Ўзбекистон МТЖ 30 март куни сафарда Яман меҳмони бўлиши лозим эди, бироқ бу ўйин санаси яна ўзгаради.
Бизга маълум бўлишича, ОФК ЖЧ саралаш ўйинларида иштирокини давом эттираётган мамлакатлар билан 16-17 февраль кунлари учрашув ўтказган ҳамда март ойидаги ўйинларни ёзга кўчириш масаласини кўриб чиққан. Бу ҳақда aseanfootball.org сайтида ҳам маълумот чоп этилган. Бу масала бўйича 25 февралда якуний онлайн йиғилиш бўлиб ўтиши кўзда тутилган.
Шундай бўлган тақдирда тўхтаб қолган ЖЧ саралаш баҳслари 3, 7, 11, 15 июнь кунларига белгиланади. ОФК ўйинлар санаси ўзгарганини расман маълум қилганидан сўнг Ўзбекистон иштирокидаги баҳслар қуйидагича кўриниш олади.
7 июнь. Яман - Ўзбекистон
11 июнь. Ўзбекистон - Сингапур
15 июнь. Саудия Арабистони - Ўзбекистон
Ҳозирча Сингапур ва Саудия Арабистонига қарши ўйинлар санаси ўзгаргани йўқ. Аввалдан белгиланиб қўйилганидек, охирги иккита учрашувимиз 11 ва 15 июнга қўйилган. Лекин пандемия давом этар экан, ҳар нарса бўлиши мумкин. Ҳозирча эса мартдаги ўйинлар бўлмаслигини айта оламиз, холос.
Похожие новости
![AMP Logo](https://championat.asia/image/logo-amp.png)
Комментарии