RU

Последние новости

00:40Зайниддин Тожиев: "Йигитларда ўзларига ишонч етишмади"  0 00:20Ла Лига. "Барселона" – "Мальорка" (онлайн ҳисоб)  11 00:20Ҳаким Фузайлов: "Вазифани уддалаб бўлдик. Кейинги ўйинда ротация амалга оширамиз, U21 жамоамиздан ўйинчилар жалб қиламиз."  0 00:03Шомуродовнинг голи "Рома"га ғалабага келтирди: А Серия 33-тур якунлари  0 00:00АПЛ. "Манчестер Сити" ўз уйида "Астон Вилла"ни қабул қилмоқда, Ҳусанов ўйинни захирадан бошлади (онлайн ҳисоб)  36 23:59"Жайхун" устози Айбек Нурбаев: "Сарсенбаев ва Эримбетовни бирданига асосий таркибга киритмаймиз"  0 23:25Ўзбекистон кубоги. "Қизилқум" "Замин" устидан ғалаба қозонган учрашувдан ГАЛЕРЕЯ  0 22:34Исломжон Аҳмедов: "Бу ўйиндан катта тажриба олдик. Хато ва камчиликлар устида ишлаймиз"  1 22:20Баҳром Ҳайдаров: "Иккинчи бўлимда тажриба ўз сўзини айтди"  0 21:45U-21 биринчилиги. Бир ўйинда 10та гол, "Бунёдкор" футболчисидан гекса-трик, дербида 10та сариқ: 6-тур якунланди (ТУРНИР ЖАДВАЛИ)  0 21:20Нуньес ёзда "Ливерпул"ни тарк этади. Ҳужумчи 2022 йилда 75+25 миллион еврога сотиб олинганди  2 20:58Гарначо учун тўртта топ клуб даъвогарлик қилмоқда  7 20:37Хулиан Альварес "Атлетико"ни тарк этиши мумкин  6 20:15Футзал. Ўзбекистон кубогининг C ва D гуруҳида сўнгги ўйинлар якунланди  0 19:52Ўзбекистон Кубоги. "Хоразм" "Жайхун"ни ишончли ҳисобда мағлуб қилди  3

"Навбаҳор"нинг "яширин" юлдузи — Суперлига, Самвел Бабаян, тасодифий натижа ва кейинги режалари ҳақида Новости

"Навбаҳор"нинг "яширин" юлдузи — Суперлига, Самвел Бабаян, тасодифий натижа ва кейинги режалари ҳақида

Бу йил таркибдаги ижрочилар, сифатли футболчиларни ўзида жамлаш борасида "Навбаҳор" етакчи бўлди.

 Дарҳақиқат, ҳар бир чизиқда яхшигина рақобат юзага келди. Айниқса ярим ҳимояда энг кучлилари жамланди. Жамшид Искандеров, Йован Жокич, Жамшид Болтабоев катта ҳажмдаги ишни бажариб беришди. Жамшид Болтабоев ҳужумларни қайтариш, олдинги чизиққа тўпни етказиб бериш, керакли паллада қанотда ҳам пайдо бўлди. Қайсидир маънода майдондаги "яширин" юлдуз бўлди. Унинг мавсум якунлари ва кейинги режалари борасидаги фикрлари билан қизиқдик. 


- Қизиқ ҳолат шуки, кетма-кет иккинчи йил икки ҳил жамоа билан чемпионат кумуш медалларига эга чиқдингиз. Яна бир боғлиқлик томонони, "Сўғдиёна" ҳам, "Навбаҳор" ҳам ўз тарихида илк бор иккинчи ўринни эгаллади. Бу тенг даражали жамоалар эканлигиданми?

- Мутлақо тўғри. "Сўғдиёна" ва "Навбаҳор" билан бир ҳил натижа қайд этиш тасодиф, деб ўйлайман. Аммо сиз айтганингиздек, жамоаларнинг даражаси бир ҳил эмас. "Сўғдиёна"да бошқача ўйин йўлга қўйилган. "Навбаҳор"ники фарқ қилади. Футболчиларнинг даражасида ҳам тафовут бор. Жорий йилги чемпионат аввалгисига нисбатан қийироқ ўтди. Агарда ўтган йилги "Сўғдиёна"ни бу мавсумга қўйиб кўрсак, балки иккинчи ўринни олмаган бўлар эдик. 

- Мавсум бошида сиз билан суҳбатлашганимизда барча қийинчиликларга тайёр эканлигингизни айтгандингиз...

- Ўзига ишонган ҳар қандай футболчи босим ва рақобатдан қўрқмайди. Қандай жамоага келаётганимни билганман. Кимлар билан рақобат қилишимни аниқ эди. 

- Кумуш медаль жамоага берилган муносиб баҳоми?

- Умумий оладиган бўлсак, янги футболчилардан йиғилган жамоа учун бир йил ичида иккинчи ўринни олиш яхши натижа, дея оламан. Кубокда ҳам, чемпионатда ҳам ғолибликка яқин келдик. Қайсидир учрашувда йўқотилган 2 очко бизга панд берди. Шунисига ҳам шукур. Бу йилги хатоларни такрорламасак, кейинги йил натижамизни яхшилай олишимизга ишонаман. 

- Суперлигадаги интрига жамоалар кучайганиданми ёки тенглашганиданми?

- Менимча, кўп жамоалар кучайгани ҳисобига охирги тургача кураш кечди. Фаворит ёки аутсайдерга ажратадиган пайт эмас. Тўғри қайсидир клубда таркибидаги ижрочилар кучлироқ бўлиши мумкин. Жаҳон чемпионатида ҳам бунинг исботини кўряпмиз. Германия, Испания, Бразилия каби термалар кутилмаган мағлубиятларга учрамоқда. Бу дегани зўр тайёргарлик кўриб исталган жамоага қарши ўйнай оласиз. Суперлигада "Навбаҳор"га ҳаттоки пастки ўриндаги жамоалар яхшигина қаршилик кўрсатди. Бор кучини сарфлади. Бундай ўйинлар чемпионатимиз савиясини ўстириши табиий. 

- Чемпионликни ҳал қилган сўнгги турда футболчилар, мураббийлар Тошкентдаги учрашув натижасидан хабардор бўлиб турдими?

- Шахсан мени хабарим йўқ эди. АГМК билан учрашувнинг иккинчи бўлими ўрталарига келиб мухлислар жим бўлиб қолишди. Сездимки, "Пахтакор" ўз ўйинида ғалаба қозоняпти. Агарда шу куни "шерлар" очко йўқотаётган бўлганида наманганлик мухлислар нафақат стадионни, бутун шаҳарни оёққа турғазишарди. 

-  Натижа кўрсатиш кўпроқ яратилган шароитларга боғлиқми ёки мураббийга? 

- Биринчи ўринда мураббийга, иккинчи ўринда яратилган шароитга. Мураббий ўзига ишониб натижа қайд эта олишини раҳбариятга тушунтирса, ишонтира олса клуб ҳам яхши шароитлар қилиб беради. Самвел Бабаянни натижа келтира оладиган мураббий, деб бемалол айта оламан. Бу инсон билан биринчи маротаба ишлаётганим йўқ. 7-8 ёшимдан бери танийман. 

- 2023 йилни қаерда ўтказиш борасида якуний қарорга келдингизми? Навбатдаги мавсумга режаларингиз қандай?

- Ҳозир оилам даврасида дам олмоқдаман. Ўзгаришлар бўлмаса, катта эҳтимол билан кейинги мавсумни "Навбаҳор"да бошласам керак.

Автор : Iskandarov Abdulaziz
Рейтинг: +12   

Комментарии

championat.asia
< посмотреть последние новости
Яндекс.Метрика