Ўзбекистонлик мураббий Мальдив ороллари терма жамоасини бошқарганини биласизми?

Бўлажак рақибимизни айни дамда италиялик Франческо Мориеро бошқаради. Ушбу мураббий ўз даврида "Рома", "Интер" ва "Наполи" жамоаларидаги футболчилик фаолияти билан танилган. 2021 йилдан бошлаб Мальдив ороллари бош мураббийи саналади.

Энг қизиғи, Мальдив ороллари терма жамоасига 1999-2001 йиллар давомида ўзбекистонлик мутахассис Вячеслар Солохо устозлик қилган. Ушбу мураббий қўл остида жамоа 1999 йил Ҳиндистонда ўтказилган Жанубий Осиё футбол федерацияси Олтин кубогида бронза медали соҳибига айланган.

Вячеслар Солохо эса футболчилик фаолияти давомида "Пахтакор", ЦСКА (Россия), "Шахтёр", "Қайрат" (иккаласи ҳам — Қозоғистон) каби жамоаларда тўп тепган. Мураббий сифатида Ўзбекистон аёллар терма жамоаларида, шунингдек, "Пахтакор" ва "Бунёдкор" клубларида турли лавозимларда ишлаган.