Ўзбекистон U-22 терма жамоаси 12-19 ноябрь кунлари БААда йиғин ўтказади

Аввалроқ, Ўзбекистон U-22 терма жамоаси 12-19 ноябрь кунлари Туркиянинг Анталия шаҳрида йиғин ўтказиши, шунингдек, у ердаги халқаро мусобақада иштирок этиши ҳақида хабар берилган эди.

Бироқ, мусобақа ташкилотчилари иштирокчилар рўйхатини қатъий тасдиқлай олмаганликлари, мусобақада иштирок этиши мумкин бўлган жамоаларнинг савияси мураббийлар штабини қониқтирмагани сабабли, ЎФФ Терма жамоалар маркази БААдан тушган таклифни қабул қилди.

Янги режа бўйича, Шуҳрат Мақсудов қўл остидаги терма жамоа 12-19 ноябрь кунлари БААда ўқув-машғулот йиғинлари ташкил этади ва йиғин давомида БАА, Баҳрайн ва Албания U-22 терма жамоаларига қарши ўртоқлик учрашувларида майдонга тушади. Режага кўра, Мақсудов шогирдлари дастлаб 14 ноябрь куни Албания терма жамоасига қарши майдонга тушса, 16 ноябрь куни Баҳрайн, 18 ноябрь куни эса БАА ёшлар терма жамоаларига қарши ўртоқлик учрашувларини ўтказади.

Ўзбекистон U-22 терма жамоасининг БААдаги йиғинида иштирок этадиган таркиби ҳақида кейинроқ маълумот берилади.