Ўзбекистон U-20 Таиланд ва Индонезияга қарши ўртоқлик ўйинлари ўтказади
20 янв 2024 22:32
Новости

Ўзбекистон U-20 Таиланд ва Индонезияга қарши ўртоқлик ўйинлари ўтказади

Фарҳод Нишонов бошқарувидаги Ўзбекистон ёшлар терма жамоаси жорий йил U-20 Осиё кубоги саралаш баҳсларида иштирок этади.

Олдинда турган мусобақаларга режа асосида тайёргарлик кўриш мақсадида бугун жамоа Тошкентда навбатдаги ўқув-машғулот йиғинларига киришишди.

25 январдан бошлаб йиғиннинг иккинчи қисми Индонезиянинг Жакарта шаҳрида давом эттирилади. Ўзбекистон U-20 Таиланд ва Индонезияга қарши ўртоқлик ўйинлари ўтказиши режалаштирилган.

28 январь

Таиланд — Ўзбекистон

30 январь

Индонезия — Ўзбекистон

Маълумот ўрнида, айни кунларда терма жамоага номзод бир қатор футболчилар ўз клублари сафида янги мавсумга тайёргарлик кўраётганлиги сабабли мураббийлар штаби янги футболчиларни кўрикдан ўтказишни мақсад қилишган.