Ўзбекистон U-19 терма жамоаси 4 октябрдан йиғин бошлайди
02 окт 2019 21:14
Новости

Ўзбекистон U-19 терма жамоаси 4 октябрдан йиғин бошлайди

Теги : Ўзбекистон U-19 Отабек Ғуломхўжаев

Хабарингиз бор, жорий йилнинг ноябрь ойида U-19 Осиё Чемпионати-2020 саралаш баҳслари ўтказилади.

Ўзбекистон ёшлар терма жамоаси айни пайтда Саудия Арабистони мезбонлик қиладиган саралаш баҳсларига тайёргарлик жараёнини давом эттирмоқда.

Отабек Ғуломхўжаев бошчилигидаги Ўзбекистон ёшлар терма жамоаси тайёргарлик доирасида бир қатор мусобақа ва ўртоқлик ўйинларида майдонга тушмоқда. Сентябрь ойида Ўзбекистон ёшлар терма жамоаси Иорданияда йиғин ўтказиб, Иордания ёшлар терма жамоасига қарши 2 та ўртоқлик ўйини ўтказди.

Октябрь ойида ҳам Ўзбекистон U-19 терма жамоаси яна бир халқаро мусобақада иштирок этади. Вакилларимиз Таиландда ўтадиган “GSB Bangkok Cup” мусобақасига таклиф олди. Мазкур мусобақада, шунингдек, Жанубий Корея, Таиланд ва Вьетнам ёшлар терма жамоалари ғолиблик учун баҳс олиб боришади. Мусобақа 2 та ўйин кунидан иборат бўлиб, ярим финалда ғолиб чиққан жамоалар чемпионлик учун, ярим финалда мағлуб бўлганлар эса 3-ўрин учун ўйинда майдонга тушишади.

Мусобақа тақвими:
10 октябрь | Ярим финал
Жанубий Корея U19 – Ўзбекистон U19
Таиланд U19 – Вьетнам U19

12 октябрь | 3-ўрин учун
1-ўйин мағлуби – 2-ўйин мағлуби

12 октябрь | Финал
1-ўйин ғолиби – 2-ўйин ғолиби

Мазкур мусобақа олдидан терма жамоамиз 4 октябрь куни йиғин бошлайди ва 7 октябрга қадар Тошкентда машғулотлар олиб боради. Сўнгра Таиландга йўл олади.

Йиғинга чақирилган футболчилар рўйхати:

№	Исм-фамилия	Туғилган йили	Амплуа	Жамоаси
1.	Исломжон Абдуллахонов	2001	Дарвозабон	Навбаҳор
2.	Асадуллахон Полвонов	2001	Дарвозабон	Насаф
3.	Алибек Давронов	2002	Ҳимоячи	Насаф
4.	Одилбек Абдумажидов	2001	Ҳимоячи	Металлург
5.	Суннатиллохон Ҳамиджонов	2001	Ҳимоячи	Пахтакор
6.	Саидазамат Мирсаидов	2001	Ҳимоячи	Пахтакор
7.	Иброҳимҳалил Юлдошев	2001	Ҳимоячи	Пахтакор
8.	Хусайин Норчаев	2001	Ҳимоячи	Насаф
9.	Элдорбек Бегимов	2001	Ҳимоячи	АГМК
10.	Хуршидбек Убайдуллаев	2002	Ҳимоячи	Бунёдкор
11.	Иброҳим Ибрагимов	2001	Ярим ҳимоячи	Бунёдкор
12.	Мироншох Сатторов	2002	Ярим ҳимоячи	Бунёдкор
13.	Жасурбек Жалолиддинов	2002	Ярим ҳимоячи	Бунёдкор
14.	Диёрбек Раҳимкулов	2002	Ярим ҳимоячи	Бунёдкор
15.	Диёр Холматов	2002	Ярим ҳимоячи	Пахтакор
16.	Диёр Рамазанов	2001	Ярим ҳимоячи	Пахтакор
17.	Беҳзод Шамсиев	2001	Ярим ҳимоячи	Пахтакор
18.	Улуғбек Хошимов	2001	Ҳужумчи	Пахтакор
19.	Руслан Розиев	2001	Ҳужумчи	Пахтакор
20.	Абдулазиз Абдусаломов	2001	Ҳужумчи	Пахтакор
21.	Хожимат Эркинов	2001	Ҳужумчи	Қўқон-1912
22.	Миржалол Мирзаев	2001	Ҳужумчи	Пахтакор