Ўзбекистон U-19 Сингапурга боради
10 июл 2016 12:05
Новости

Ўзбекистон U-19 Сингапурга боради

Жасур Абдураимов бошчилигидаги Ўзбекистон U-19 терма жамоаси кейинги ҳафта Сингапур мамлакатига учиб кетади.

Осиё чемпионатига тайёргарлик кўраётган Ўзбекистон ёшлар терма жамоаси 13 июль куни Тошкентда йиғинни бошлайди ва уч кунлик йиғиндан сўнг халқаро мусобақада иштирок этиш учун Сингапурга боради.

Ушбу мусобақада Эрон, Хитой, Сингапур ва Ўзбекистон ёшлар терма жамоалари иштирок этишади.

Ярим финал босқичига қуръа ташланиб бўлди. Унга кўра Ўзбекистон Эрон билан, Хитой эса Сингапур билан ўйнайди. Ғолиб жамоалар финалда, мағлублар 3-ўрин учун баҳсда майдонга тушишади.

Маълумот учун, Баҳрайндаги Осиё чемпионати гуруҳ босқичида Ўзбекистон Хитой, Австралия ва Тожикистон билан куч синашади. Қитъа биринчилигида ярим финалга чиққан тўрт жамоа 2017 йил Жанубий Кореяда бўлиб ўтадиган U-20 Жаҳон чемпионатида қатнашади.

Ссылка :

Источник : championat.asia

Получайте новости прямо в Telegram!

Рейтинг: +1