Ўзбекистон U-19 аёллар терма жамоаси назорат ўйинида «Металлург»ни мағлуб этди

Айни дамда Вячеслав Солохо бош мураббийлик қилаётган Ўзбекистон U-19 аёллар терма жамоасининг Тошкентдаги йиғинига жами 23 нафар футболчи таклиф этилган.

Маълумот ўрнида, 3 август кунигача Тошкентда машғулот ўтказадиган Ўзбекистон U-19 аёллар терма жамоаси йиғинни давом эттириш учун 4 август куни Вьетнамга учиб кетади. Мазкур йиғин давомида Ўзбекистон U-19 аёллар терма жамоаси мезбон - Вьетнам U-19 аёллар термаси билан иккита ўртоқлик учрашувини ўтказиши режалаштирилган. Режага кўра, мазкур ўртоқлик ўйинлари 6 ва 8 август кунлари бўлиб ўтади.

Таъкидлаш лозим, ушбу йиғин Ўзбекистон U-19 аёллар терма жамоаси учун ноябрь ойида бўлиб ўтадиган Осиё Чемпионати саралаш босқичи учун тайёргарлик вазифасини ўтаб беради.

Ўзбекистон U-19 аёллар терма жамоасининг йиғинда иштирок этаётган футболчилар рўйхати:

Дарвозабонлар: Тиловова Лайло, Жонимкулова Мафтуна.
Ҳимоячилар: Бектемирова Дилноза, Шоимова Мафтуна, Ермакова Анзиля, Тожиддинова Шохида, Муйдинова Нодира, Самандарова Фаёза, Хусниддинова Солиҳа.
Ярим ҳимоячилар: Нормуродова Севара, Юсупова Мадина, Нозимова Дилдора, Тошева Шодия, Нормуродова Ситора, Бобохўжаева Феруза, Кудратова Нилуфар, Култураева Шоира.
Ҳужумчилар: Жумакулова Нафосат, Зоирова Умида, Комолтоева Нозима, Илашева Ўғилой, Шарипова Эъзоза, Дадажонова Нилуфар.

Назорат учрашуви.
30 июль, чоршанба.
Ўзбекистон U-19 (аёллар) - «Металлург» (аёллар) 2:1
Голлар: Н. Қудратова, Н. Мўйдинова - Н. Шералиева