Ўзбекистон U-17 терма жамоаси Саудия Арабистонига қарши илк ўртоқлик ўйинида мағлуб бўлди

Учрашувнинг биринчи бўлимида ҳисоб очилмади. Иккинчи бўлимнинг 68-дақиқасида Албишри Наваф саудиялкларни ҳисобда олдинга олиб чиққан бўлса, орадан 9 дақиқа ўтар-ўтмас Алжанаҳи Наваф фарқни оширди. Ўзбекистон терма жамоаси таркибида эса Лазизбек Мирзаев 82-дақиқада битта гол билан жавоб қайтарди. Шу тариқа, учрашув 2:1 ҳисобида мезбонлар фойдасига ҳал бўлди.

Эслатиб ўтамиз, Жамолиддин Раҳматуллаев шогирдлари 29 декабрь куни саудияликларга қарши иккинчи бор майдонга чиқишади.

Саудия Арабистони U-17 —  Ўзбекистон U-17 2:1

18:50. "Шаҳзода Абдуллоҳ Ал Файсал" стадиони. Жидда

Голлар: Албишри Наваф 68', Алжанаҳи Наваф 77', Лазизбек Мирзаев 82'.

Ўзбекистон U-17 термаси: 21.Муҳаммадюсуф Собиров, 5.Сардор Мирқобилов, 6.Озодбек Ўктамов, 7.Лазизбек Мирзаев, 8.Беҳруз Шукуруллаев, 9.Амирбек Саидов, 13.Беҳруз Жуматов, 14.Шодиёр Шодибоев, 15.Абдулҳамид Икромов, 18.Давронбек Усмонов, 23.Дилшод Абдуллаев