Ўзбекистон U-17 ўсмирлари Австрия ўсмирлари билан дуранг ўйнади

Ўсмирлар ўртасидаги (U-17) жаҳон чемпионатига тайёргарлик кўраётган Ўзбекистон U-17 ўсмирлар терма жамоаси 4-9 сентябрь кунлари Австрияда навбатдаги йиғинини ўтказиши ҳақида хабар берган эдик. Мазкур йиғин давомида Нуралиев шогирдлари 5 ҳамда 7 сентябрь кунлари мезбон - Австрия ўсмирлар терма жамоасига қарши иккита ўртоқлик учрашувини ўтказиши режалаштирилган эди.

Терма жамоалар 5 сентябрь куни дастлабки учрашувини ўтказишди ва 1:1 ҳисобида дуранг ўйнашди. Ўзбекистон ўсмирларининг учрашувдаги голига ярим ҳимоячи Равшанбек Ҳурсанов муаллифлик қилди. Нуралиев шогирдлари Австрияга қарши иккинчи ўртоқлик учрашувини 7 сентябрь куни ўтказишади.

Эслатиб ўтамиз, Дилшод Нуралиев бош мураббийлигидаги Ўзбекистон ўсмирлар терма жамоаси шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичида иштитрок этади.