Ўзбекистон U-17 жаҳон чемпионатининг энг интизомли жамоаси
19 ноя 2023 12:00
Новости

Ўзбекистон U-17 жаҳон чемпионатининг энг интизомли жамоаси

Теги : U-17 жаҳон чемпионати Ўзбекистон U-17

U-17 жаҳон чемпионатининг гуруҳ босқичи якунланди.

Жамолиддин Раҳматуллаев бошчилигидаги Ўзбекистон ўсмирлар терма жамоаси Индонезияда ўтказилаётган ўсмирлар ўртасидаги жаҳон чемпионатининг гуруҳ босқичида 3 ўйинда 4 очко жамғарган ҳолда плей-офф йўлланмасини қўлга киритди. Ўзбекистонликлар нимчорак финалда Англия тўсиғидан ўтишга уриниб кўради.

Якунига етган гуруҳ босқичи баҳсларидан сўнг "оқ бўрилар" мусобақадаги энг интизомли жамоа бўлиб турибди. Марказий Осиё минтақаси вакили футболчиларига учта ўйинда ҳакам томонидан бирорта карточка кўрсатилмади, бу эса иштирокчилар орасида энг яхши кўрсаткич ҳисобланади.

Ўзбекистондан кейинги ўринда эронликлар ўсмирлар интизом борасида пешқадамлар орасида бормоқда. Уч ўйинда форслар атиги бир маротаба огоҳлантирилган. Ўзбекистоннинг бўлажак рақиби Англия футболчиларида эса иккита огоҳлантириш мавжуд.

Сариқ карточка билан жазоланишлар борасида энг ёмон кўрсаткич Сенегалга тегишли — 7та. Бироқ африкаликларниг бирор ўйинчиси майдондан четлатилмаган. Канада ўсмирлари эса гуруҳ баҳсларида 4та сариқ, 1та қизил карточка ишлаб олишди.

Оқил Абдубарноев тайёрлади.

Ссылка :

Источник : championat.asia

Получайте новости прямо в Telegram!

Рейтинг: +17