Ўзбекистон U-17 Эрон ўсмирларига кичик ҳисобда мағлуб бўлди

Тошкентда йиғин ўтказаётган Ўзбекистон ўсмирлар терма жамоаси 22 август куни Тошкентдаги «ЖАР» стадионида Эрон ўсмирлар терма жамоасига учинчи ўртоқлик учрашувини ўтказди. Тенг курашлар остида кечган учрашувда Эрон ўсмирлар терма жамоасининг қўли баланд келди - 0:1. Учрашувдаги ягона гол ўйиннинг 35 дақиқасида киритилган.

Эслатиб ўтамиз, Нуралиев шогирдлари Тошкентдаги йиғин давомида Эрон ўсмирлар терма жамоасига қарши иккита ўртоқлик учрашувида майдонга тушди. Дастлаб, 18 август куни ўтказилган ўйинда ўзбекистонлик ўсмирлар 2:0 ҳисобида ғалаба қозонди. 20 август куни ўтказилган иккинчи ўйинда ҳам, Ўзбекистон ўсмирлар терма жамоасининг қўли баланд келди - 2:1.

Ўзбекистон ўсмирлар терма жамоасининг Тошкентдаги йиғини шу билан ўз якунига етди. Нуралиев бошчилигидаги терма жамоа ўзининг навбатдаги йиғинини 2-9 сентябрь кунлари Австрияда ўтказади. Ушбу йиғин давомида Ўзбекистон ўсмирлар терма жамоаси, Австрия ўсмирлар терма жамоасига қарши иккита назорат-ўртоқлик учрашувини ўтказади.

Эслатиб ўтамиз, Дилшод Нуралиев бош мураббийлигидаги Ўзбекистон ўсмирлар терма жамоаси шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичида иштитрок этади.

Ўртоқлкик учрашуви. Тошкент. «ЖАР» стадиони.
Ўзбекистон U-17 - Эрон U-17 - 0:1
Гол: Амир Муҳаммад Мазлум
Ўзбекистон: Ш. Эшбутаев, Ш. Раимов, З.Умаров, И. Абдуллаев, А. Комилов, О. Эркинов, Д. Хушбоков, Ж. Сиддиқов, Р. Хурсанов, Ш. Очилов, Х.Агзамов;
Заҳирадан майдонга тушганлар: А.Жўрабоев, Р.Ашурматов, Ш.Қиличев, Б.Даминов, А.Неъматиллаев, Ж.Давлатжонов, О.Хамробеков, И. Абдуллаев, А. Тўраев