Ўзбекистон U-16 ўсмирлари иккинчи ўйинда БАА ўсмирлари билан дуранг ўйнашди
08 мая 2016 19:19
Новости

Ўзбекистон U-16 ўсмирлари иккинчи ўйинда БАА ўсмирлари билан дуранг ўйнашди

Айни дамда БААнинг Дубай шаҳрида йиғин ўтказаётган Ўзбекистон U-16 ўсмирлар терма жамоаси БАА ўсмирлар терма жамоасига қарши иккинчи ўртоқлик учрашувида майдонга тушди ва 1:1 ҳисобида дуранг ўйнади.

Ўзбекистон ўсмирлар терма жамоаси бош мураббийи Темур Олимхўжаев БААга қарши иккинчи ўйинда уларга қарши биринчи ўйин билан таққослаганда таркибда бир қатор ўзгаришларни амалга оширди. Ўйиннинг биринчи бўлими 38-дақиқасида БАА ўсмирлари учрашувда ҳисобни очишди. Иккинчи бўлимнинг 62-дақиқасида эса заҳирадан майдонга тушган Абдуманнопов учрашувда ҳисобни тенглаштирди. Ўйиннинг қолган дақиқаларида дарвозаларга бошқа гол киритилмади ва ўйин 1:1 ҳисобидаги дуранг билан якунланди.

Шу тариқа жамоалар ўртасидаги иккинчи ўртоқлик учрашувида дуранг қайд этилди. Эслатиб ўтамиз, терма жамоалар ўртасидаги илк ўйинда Ўзбекистон U-16 ўсмирлар терма жамоаси 1:0 ҳисобида ғалаба қозонган эди.

Ўртоқлик учрашуви.

8 май. Дубай, БАА

БАА U-16 – Ўзбекистон U-16 – 1:1

Гол: Абдуманнопов (62).

Ўзбекистон U-16: Неъматов, Сайфуддинов, Каримов, Камолов, Ҳайруллаев, Турғунбоев, Абдураҳмонов, Соатов, Ўрунов, Йўлдошев, Парпиев.

Захира: Жўраев, Азизхўжаев, Абдуманнопов, Абдуллаев, Ҳолдоров, Исмоилов, Абдусатторов, Намозов, Қўйлибоев, Азимов.