Ўзбекистон U-16 аёллар терма жамоаси Шри-Ланкага қарши тўп суради
21 сен 2018 09:47
Новости

Ўзбекистон U-16 аёллар терма жамоаси Шри-Ланкага қарши тўп суради

Ўзбекистон U-16 аёллар терма жамоаси Шри-Ланканинг Коломбо шаҳрида ўтаётган Осиё чемпионатининг саралаш босқичидаги иштирокини давом эттиради.

Эслатиб ўтамиз, Илхом Ханжариев шогирдлари биринчи турда Иордания билан 0:0 ҳисобида дуранг ўйнашган бўлса, иккинчи турда Гуам устидан 3:1 ҳисобида ғалаба қозонишган эди.

Бугун терма жамоамиз вакиллари мусобақа мезбони – Шри-Ланка терма жамоасига қарши майдонга тушишади. Терма жамоамиз кўк рангли либосда тўп суради.

Ўйин Коломбо шаҳридаги «СR&FC Grounds» ўйингоҳида Тошкент вақти билан 14:30 да бошланади.