Ўзбекистон терма жамоаси Сурия билан ўйинга тайёргарликни бошлади
08 июн 2019 21:31
Новости

Ўзбекистон терма жамоаси Сурия билан ўйинга тайёргарликни бошлади

Кеча Ўзбекистон терма жамоаси КХДР билан ўртоқлик учрашуви ўтказганди.

Бугун Эктор Купер бошчилигидаги терма жамоамиз аъзолари "Жар" стадионида машғулот ўтказишди. Унда КХДР билан баҳсда асосий таркибда майдонга тушган 10 нафар футболчи иштирок этмади. Асосий таркибда тушган ва танаффусда захирага олинган Хожиакбар Алижонов захирадан тушган ва баҳсда қатнашмаган ўйинчилар билан шуғулланди.

Эслатиб ўтамиз, Ўзбекистон терма жамоаси 11 июнь куни Сурия билан ўртоқлик учрашуви ўтказади. Мазкур баҳс "Миллий" стадионида соат 18:30да бошланади.

фото: Жаҳонгир Файзуллаев