Ўзбекистон миллий терма жамоаси мураббийи “Пахтакор”да иш бошлашга яқин турибди
04 июн 2020 13:10
Новости
![](https://championat.asia/upload/storage/570973_original.jpg)
![](/upload/storage/570973_220.jpg)
Ўзбекистон миллий терма жамоаси мураббийи “Пахтакор”да иш бошлашга яқин турибди
Шу вақтга қадар Ўзбекистон миллий терма жамоасида дарвозабонлар мураббийи сифатида фаолият юритиб келаётган тажрибали мутахассис Денис Иванков клуб тизимида иш бошлаш арафасида. Ҳозирда киперларни шуғуллантираётган туркиялик мураббий Иброҳим Йилмаз карантинда эканлиги боис посбонлар билан вақтинча Денис Иванков ишламоқда. Буни унинг ўзи ҳам сайтимизга маълум қилди.
“Ҳозирча вақтинча дарвозабонларни шуғуллантириб турибман. Кейин нима бўлишини вақт кўрсатади. Лекин, “Пахтакор”дан аниқ таклиф бор”,- дейди Денис Александрович.
Маълумот ўрнида, мутахассис футболчилик фаолияти давомида 1992, 1994-1995 йилларда “Пахтакор” сафида тўп тепган. 2006 йил маълум вақт дарвозабонлар мураббийи бўлиб ишлаганини ҳам айтиш жоиз. Демак, “шерлар” унинг учун бегона эмас.
Эслатиб ўтамиз ушбу мураббий учун клуб миқёсида ишлаш биринчи маротаба бўлаётгани йўқ. Бунгача Иванков “Машъал”, “Насаф” жамоаларида самарали меҳнат қилиб кўплаб киперларни тарбиялаган ва катта футболда ўз ўрнига эга бўлишида катта ҳисса қўшганлиги кўпчилик учун сир эмас.
Денис Иванковнинг отаси, марҳум Александр Иванков 1995, 1996-1997, 2000 йилларда “Пахтакор” жамоасида бош мураббий сифатида фаолият кўрсатган.
Похожие новости
![AMP Logo](https://championat.asia/image/logo-amp.png)
Комментарии