Ўзбекистон - КХДР. Стадионда муҳит ажойиб

Футболчиларимиз дастлабки турда КХДР термасига қарши майдонга тушишади. Жамоамиз ҳозиргина ўйинолди машғулотларини тугатди. Сиднейдаги энг катта стадионда муҳит жуда ажойиб. Об-ҳаво ҳам яхши, албатта, кутилмаганда ёмғир ёғиб қолиш эҳтимоли ҳам йўқ эмас.

Биз жойлашган медиа-трибунада кўпчилик журналистлар йиғилган. Ўзимизникилардан ташқари бу ерда ОФК расмий сайти ходимлари, шунингдек, Сиднейнинг ўзидан турли газета, журнал ҳамда сайтлар ходимлари, қолаверса, Хитой, Корея, БААдан келган журналистлар ҳам бор.

Ўйиндан олдин бу ерда фаолият олиб бораётган кўпчилик ҳамкасблар билан гаплашганимизда ҳамма Ўзбекистоннинг ғалабасига ишонаётганини айтди. Стадионда ишқибозлар сонини кўп деб бўлмайди, лекин стадионнинг ўзи ниҳоятда катта эканлигини ҳам унутмайлик. Маҳаллий телеканал ходимлари ва фотомухбирлар ўзбекистонлик футбол ишқибозлари жойлашган трибунага яқин бориб, уларни суратга туширишди. Сатаждионда ўйин-кулгу давом этмоқда. Бироздан кейин эса ўйин бошланади ва барчамиз биргаликда Ўзбекистон - КХДР баҳсини кузатамиз.

Х.Холиқов
Сидней, Австралия.