Ўзбекистон Кубогининг кейинги босқичида ўйнайдиган барча 16 жамоа маълум

Мазкур мусобақанинг гуруҳ босқичи 24 жамоани тўрттадан 6 гуруҳга бўлган ҳолда ўтказилди. Учрашувлар битта ўйиндан иборат бўлди. Гуруҳ баҳслари якунига кўра, қуйидаги жамоалар кейинги босқичга йўл олишди. 

"A" гуруҳи: "Локомотив", "Турон". 

"B" гуруҳи: "Динамо", "Сурхон". 

"D" гуруҳи: "Навбаҳор", "Олимпик".  

"E" гуруҳи: "Насаф", "Сўғдиёна", "Бунёдкор". 

"F" гуруҳи: "Машъал", "Металлург". 

"G" гуруҳи: "Қизилқум", "Шўртан", "Нефтчи". 

Мусобақа регламентига кўра, ҳар бир гуруҳдан биринчи ва иккинчи ўринни олган, шунингдек энг яхши кўрсаткич қайд этган иккита учинчи ўрин эгалари 1/8 финалга йўл олиши белгилаб қўйилганди. Бу ўринда энг яхши кўрсаткич билан кейинги босқичга чиққан жамоалар "Бунёдкор" ва "Нефтчи" бўлди. 

Гуруҳ ўйинларида ўзини кўрсатган 14 жамоа сафига 1/8 финалда яна иккита жамоа қўшилади: "Пахтакор" ва АГМК. Натижада 16 клуб кейинги босқичда 8та жуфтликка бўлинган ҳолда битта учрашувдан иборат баҳсларда иштирок этади.