Ўзбекистон кубоги финалларидаги юбилей голларни кимлар урган?
14 окт 2015 22:00
Новости

Ўзбекистон кубоги финалларидаги юбилей голларни кимлар урган?

17 октябрь куни Жиззах шаҳрида Ўзбекистон кубоги финалида Тошкентнинг "Бунёдкор" жамоаси Қаршининг "Насаф" клуби билан куч синашади.

Ўзбекистон кубоги финалларидаги киритилган жами голлар сони айни пайтда 59тани ташкил этади. Демак Жиззахда бўладиган финал учрашувида юбилей 60-голни кўришимиз мумкин бўлади.

Финаллардаги дастлабки голни "Пахтакор" футболчиси Нўъмон Ҳасанов 1993 йилги финалда "Навбаҳор" дарвозасига киритган. Ўша финалда "Пахтакор" "Навбаҳор" устидан йирик ҳисобда (3:0) ғалаба қозонганди.

Эътиборингизда барча юбилей голлар муаллифларини ҳавола этамиз: Нўъмон Ҳасанов (1), Андрей Акопянц (10), Анвар Бердиев (20), Зайниддин Тожиев (30), Анвар Солиев (40), Александр Клецков (50)

Жиззахда бўладиган финалда "Бунёдкор" ёки "Насаф" аъзоси ўз номини тарихга ёзиб қўйиш имкониятига эга бўлади.

Эслатиб ўтамиз, "Бунёдкор" ҳамда "Насаф" жамоалари ўртасидаги Ўзбекистон кубоги финали 17 октябрь куни Жиззахдаги "Сўғдиёна" марказий стадионида бўлиб ўтади.
Ўйин соат 17:00да бошланади.

Ссылка :

Источник : championat.asia

Получайте новости прямо в Telegram!

Рейтинг: +6