Ўзбекистон футзал терма жамоаси Хорватияга кетиш олдидан сўнгги машғулотни ўтказди ГАЛЕРЕЯ

Ўзбекистон футзал терма жамоасининг Тошкент ва Хорватия йиғинлари учун таркиби маълум

Бугун Баҳодир Аҳмедов бошчилигидаги футзалчиларимиз Хорватия йиғинига кетиш олдидан охирги машғулотни ўтказди. "Юнусобод" спорт мажмуасида бўлиб ўтган машғулотни бевосита кузатиб бордик. Йиғинга чақирилган 14 нафар ўйинчининг ҳаммаси машғулотда қатнашди. Фақат Ҳусниддин Нишонов ҳамда Суннатилла Жўраев бироз бетоблиги сабаб тўп билан ишлашмади ва индивидуал тарзда шуғулланишди.

Ўзбекистон футзал терма жамоаси йиғинига чақирилган ўйинчилар:

Дарвозабонлар: Рустам Умаров (АГМК), Равшан Элибоев ("Локомотив")

Ўйинчилар: Анасхон Раҳматов ("Хуахин-Жиззах"), Машраб Одилов ("Локомотив"), Ихтиёр Ропиев ("Хуахин-Жиззах"), Илҳом Ҳамроев ("Хуахин-Жиззах"), Абдулла Солиҳов (АГМК), Давлат Ибрагимов (АГМК), Дилшод Раҳматов ("Хуахин-Жиззах"), Ҳусниддин Нишонов ("Хуахин-Жиззах"), Элбек Тўлқинов ("Хуахин-Жиззах"), Даврон Чориев ("Хуахин-Жиззах"), Акбар Усмонов ("Локомотив"), Суннатилла Жўраев (АГМК).

Футзалчилар бугун эрталаб сафарга кетиш олдидан ПЦР тест топширишди. Баҳодир Аҳмедов бошчилигидаги терма жамоамиз бугун тунда Хорватия сари йўлга чиқади. Вакилларимиз Загреб шаҳрига Москва орқали учишади.

Футзал бўйича Ўзбекистон терма жамоасининг бугунги машғулотидан суратларни сайтимизнинг махсус бўлими орқали томоша қилишингиз мумкин >>>>> ФОТОГАЛЕРЕЯ

Суратлар муаллифи: Толибжон Қосимов

Футзал бўйича Ўзбекистон терма жамоасининг бугунги машғулотидан суратларни сайтимизнинг махсус бўлими орқали томоша қилишингиз мумкин >>>>> ФОТОГАЛЕРЕЯ