Ўзбекистон делегацияси Туркия клублар бирлигида бўлди
08 дек 2023 01:22
Новости

Ўзбекистон делегацияси Туркия клублар бирлигида бўлди

Теги : ЎзПФЛ

Ўзбекистон клубларида фаолият олиб бораётган мутахассислардан иборат делегация айни пайтда Туркияда ЎзПФЛ ҳамда Туркия клублар бирлиги ўзаро ҳамкорлигида ташкил этилаётган семинарда иштирок этмоқда.

20 нафар мутахассисдан иборат делегация дастлаб Туркия клублар бирлиги бош офисига ташриф буюрди. Семинарнинг бошланиш қисмида Туркия клублар бирлиги бош котиби доктор Чағри Илк турк футболи, хусусан Туркия Суперлигаси ва унинг иштирокчи клублари ҳақида маълумот бериб, тақдимот ўтказди. Сўнгра ҳар икки томон вакиллари ўзаро давра суҳбати давомида турк ва ўзбек футболининг ўхшаш ва фарқли жиҳатлари хусусида фикр алмашди.

Семинар доирасида вакилларимиз “Фенербаҳче” ва “Галатасарой” клубларига ҳам ташриф буюриши, турк клубларининг иш фаолияти билан яқиндан танишиши кўзда тутилган.