Ўзбекистон Coca-Cola Кубоги-2021 финали қайси стадионда ўтиши аниқланди
18 мар 2021 21:55
Новости

Ўзбекистон Coca-Cola Кубоги-2021 финали қайси стадионда ўтиши аниқланди

Жорий йилги Ўзбекистон Cоcа-Cола Кубогининг ҳал қилувчи баҳсига мезбонлик қиладиган стадион номи қуръа ташлаш маросими орқали аниқланди.

11 та жамоа финал учрашувини ўтказиш учун ариза берганди - "Динамо", "АГМК, "Бунёдкор", "Пахтакор", "Локомотив", "Сурхон", "Насаф", "Шўртан", "Қизилқум", "Турон" ва "Навбаҳор".

Бироқ, “Сурхон" ва "Шўртан"нинг уй стадиони регламент талабларига жавоб бермагани учун рўйхатдан тушиб қолди.

Қуръа натижасида 2021 йилги кубок финалига "Динамо" стадиони мезбонлик қиладиган бўлди.

Эслатиб ўтамиз, яқинда Ўзбекистон Суперкубоги учун баҳс ҳам айнан Самарқандда ўтган эди.