Ўзбекистон аёллар терма жамоаси бош мураббийи Баҳром Норсафаров билан суҳбат
17 фев 2021 13:09
Новости
![](https://championat.asia/upload/storage/620672_original.jpg)
![](/upload/storage/620672_220.jpg)
Ўзбекистон аёллар терма жамоаси бош мураббийи Баҳром Норсафаров билан суҳбат
Терма жамоамиз бош мураббийи Баҳром Норсафаров championat.asia сайтига қисқа интервью берди.
- Баҳром ака, Туркиядаги йиғин қандай ўтмоқда? Шароитлар қандай?
- Туркиядаги шароитлар, майдонлар жуда ҳам яхши ҳолатда. Афсуски бу йиғинга Карачик, Галимова ва Хусниддиновани олиб кела олмадик. Сабаби уларда жароҳат бор. Бу қизларимизни кейинги мусобақаларга асрашга қарор қилдик.
- Туркиядаги мусобақадаги рақиблар ҳақида қандай фикрдасиз?
- Африка қитъаси терма жамоасига қарши ҳозирга қадар умуман ўйнамагандик. Лекин Экватор Гвинеяси ва Нигерия терма жамоалари ҳақида етарли маълумотларга эгамиз. Бу икки жамоа Жаҳон чемпионати иштирокчиси ҳисобланади. Сўнгги рақибимиз эса Россия чемпиони Москванинг ЦСКА клуби бўлади.
- Биламизки терма жамоанинг кучли бўлиши миллий чемпионатга боғлиқ. Ўзбекистон чемпионатимиз савияси ўтган йиллар билан таққослаганда ўсганми?
- Айни пайтда Ўзбекистон чемпионатида 5та рақобатбардош клуб бор. Бизда ҳам аёллар футболи анча ривожланди. ФИФА рейтингида Ўзбекистон аёллар терма жамоаси 41-ўринда бормоқда.
- Бугунги кунда терма жамоанинг қайси чизиғи кўпроқ ҳавотирга солмоқда?
- Чап қанот ҳимоячимиз Ҳусниддинова Солиҳа жароҳат олганини айтдим. Ўтган мавсум тўпурари Людмила Карачик ҳам таркибимизда йўқ. Лекин уларнинг ўрнида чемпионатимизда ўзини яхши кўрсатган бошқа ўйинчиларимиз бор.
Похожие новости
![AMP Logo](https://championat.asia/image/logo-amp.png)
Комментарии