Ўзбекистон Атланта шаҳрига етиб борди

Хабарингиз бор, миллий терма жамоамиз аввалги баҳсда АҚШга имкониятни бой берди (0:3). 

Энди эса Сречко Катанец бошлигидаги Ўзбекистон терма жамоаси Атлантада Мексикага қарши ўртоқлик учрашуви ўтказади. 

Жамоамиз делегацияси Атланта яқинидаги Морроу шаҳарчасида тўхтаган. Бугун тонгда термамиз ушбу шаҳардаги илк машғулотини ҳам ўтказди. 

Ўзбекистон - Мексика учрашуви 13 сентябрь тонгида Атлантадаги "Мерcедес-Бенц” стадионида бўлиб ўтади. Ўйин бизнинг вақт билан тонгги соат 04:30да бошланади.

Фото: ЎФА матбуот хизмати