Ўзбек футболига кўплаб дарвозабонларни етиштириб бераётган Денис Иванков 50 ёшда

Тажрибали мутахассис бугун 50 ёшни қарши олмоқда. 

Денис Иванков 1972 йил мураббий Александр Иванков оиласида туғилган. Оиладаги муҳит уни миллионлар ўйинига етаклади. Дастлаб "Чирчиқ", "Соҳибкор" жамоаларида ўзини синаб кўрган Иванков 1992 йилда "Пахтакор" жамоаси сафига қўшилади. Бироқ, жамоадаги кучли рақобат сабаб захира футболчисига айланиб қолгач жамоасини ўзгартиришга қарор қилади. Футболчиликда омади юришмаган қаҳрамонимиз 2004 йилдан "Кимёгар" жамоасида мураббийлик фаолиятини бошлайди. Иш услуби ва машғулотларни олиб бориш жараёни ўша пайтда "Машъал" ва "Пахтакор" раҳбарларини  эътиборини тортади. 2007-2008 йиллар оралиғида Украинанинг "Княжа" клубида тажриба орттирган Иванков 2009 йилда "Машъал"га қайтади. 2012 йилгача бўлган вақт оралиғида Ўткир Юсупов, Элдор Суюнов, Санжар Қувватов каби киперларни тарбиялади. 2013 йилдан бошлаб эса Қаршининг "Насаф" клубида иш бошлади ва олти йил давомида самарали меҳнат қилди. "Аждарлар" билан кўплаб совринлар ҳусусан Ўзбекистон кубоги ва Суперкубогида зафар қучди. Бронза ва кумуш медалларига эга чиқди. Турли ёшдаги терма жамоаларимизга иқтидорли дарвозабонларни етиштириб берди. Бир неча йил давомида миллий терма жамоамиз мураббийлар штабида ишлади. Айни пайтда "Пахтакор" клубида дарвозабонлар мураббийи сифатида ишламоқда. 

Маълумот ўрнида:

Исм шарифи: Денис Иванков Александрович

Туғилган санаси: 1972 йил, 17 июнь.

Футболчилик фаолияти: "Аралводстворец" (1990), "Сохибкор" (1990), "Чирчиқ" (1991), "Пахтакор" (1992, 1994-1995), "Нурафшон" (1992-1993), "Нефтчи" (1995)

Мураббийлик фаолияти: "Машъал", "Насаф", Ўзбекистон терма жамоаси, "Пахтакор".

Ютуқлари: Ўзбекистон чемпиони (2): (1992, 1995)

Мураббий сифатида ютуқлари: 

Ўзбекистон Кубоги соҳиби (2015, 2021)

Ўзбекистон Суперкубоги соҳиби (2016, 2022)

Ўзбекистон чемпионати бронза медали соҳиби: (2013, 2014, 2015, 2016)

Ўзбекистон чемпионати кумуш медали соҳиби: (2017)

Сайтимиз ижодкорлари номидан Денис Иванковга соғлик ва саломатлик, фаолиятида улкан зафарлар тилаб қоламиз! 

С юбилеем, Александрович!