"Ўйнашда давом этишдан маъно йўқ эди" — Буффон

Италия терма жамоаси собиқ футболчиси Жанлуижи Буффон фаолиятини якунлаш сабабини айтди.

"Ўйнашда давом этишдан маъно йўқ эди. Менимча, футболдан кетиш учун етарлича ёш ва қулай вазият келди. Ўтган мавсум синов мавсуми бўлди, мен уни ажойиб формада бошладим, лекин кейин барибир жароҳат олдим. Бу мен учун огоҳлик қўнғироғи эди", – деди собиқ футболчи.

Буффон 45 ёшида фаолиятига якун ясади. Унинг биринчи ва охирги клуби "Парма" бўлди. Италиялик футболчи фаолиятининг кўп қисмини "Ювентус"да ўтказди ва ПСЖда ҳам 1 мавсум ўйнади.