Отабек Зокиров "Нефтчи" ўринбосарлари тўпурари

Мазкур мусобақада жамоамиз 49 очко жамғарди ва рақиб дарвозасига 50 та тўп киритди. Ўринбосарларимиз ёшлар лигасида энг кам тўп ўтказиб юборган жамоа бўлди. Рақиблар “Нефтчи” ўринбосарлари дарвозасига 29 та тўп киритишди. Ёшлар лигаси чемпиони “Бунёдкор”нинг бу борадаги кўрсаткичи 32 га тенг.

Энди киритилган голлар хусусида гаплашсак, деярли иккинчи даврадан бошлаб, ўринбосарлар сафида ўйнай бошлаган Отабек Зокиров бу давр оралиғида рақиблар дарвозасини 14 марта аниқ нишонга олди ва йил кашфиётларидан бирига айланди. Шунингдек, Умиджон Қодиров ҳам ўзининг сермаҳсуллиги билан ёдда қолди. Ушбу ёш ҳужумчи 9 марта ўз номини таблога ёздириб қўйди.  Бундан ташқари, Иззатбек Ғаниев ҳам мавсумда еттита гол киритишга муваффақ бўлди.  Энг асосийси бу футболчиларнинг голлари кичик бронза медалини қўлга киритилишида муҳим аҳамият касб этди.

Айтганча, бу ерда мураббийлар ва клуб раҳбариятининг меҳнатини ҳам унутмаслик лозим.  

Қуйидаги жадвалда ўринбосарларимиз сафида ким нечта гол ургани кўрсатилган.

Ким нечта гол киритган:
Отабек Зокиров - 14
Умиджон Қодиров - 9
Иззатбек Ғаниев - 7
Жавоҳирбек Расулов  - 4
Шерзод Ҳакимов - 4
Азамат Турсунов - 2
Отабек Ҳайдаров - 2
Достон Турсунзода - 2
Жаҳонгир Дадабоев - 2
Шоҳруҳ Холматов - 1
Иқбол Бобохонов - 1
Фахритдин Холмуродов - 1
Жавлон Гусейнов - 1