Отабек Зокиров: "Мавсумга тайёрмиз"

Ушбу учрашувдан олдин АГМК жамоаси футболчиси Отабек Зокиров ўйиндан олдин ўз фикрларини билдириб ўтди.

"Мавсумга жиддий тайёргарлик кўрдик. Асосан хорижда кўпроқ машғулотлар олиб бордик. Барча эътибор "Бунёдкор"га қарши ўйинга қаратилган. Ушбу баҳсни мухлислар интизорлик билан кутишмоқда. Насиб қилса яхши натижа қайд этамиз, деб ўйлайман. Ўтган мавсум "Қизилқум" жамоасида фаолият олиб боргандим, лекин айрим сабабларга кўра ушбу клуб билан дўстона ҳайрлашдим. АГМК жамоасида дўстларим фаолият олиб боришади. Улар билан чиқишиб кетиш у даражада қийин бўлмади. Ички муҳит аъло даражада. АГМКда барча бир оиладек. "Бунёдкор"га қарши жиддий тайёргарлик кўрдик. Ушбу баҳсда ижобий натижа қайд этамиз", - дейди Отабек Зокиров

Жаҳонгир Сотволдиев ёзиб олди