Остон Ўрунов машғулотларга қайтди
07 мая 2025 12:19
Новости

Остон Ўрунов машғулотларга қайтди

Эроннинг "Персеполис" клуби ва Ўзбекистон терма жамоаси вингери Остон Ўрунов жамоавий машғулотлра киришди.

"Персеполис" шифокори Фарид Заринеҳнинг маълум қилишича, Остон Ўрунов душанба куни тиббий текшиувдан муваффақиятли ўтган. Шундай қилиб, у жароҳатини тиклаб улгурган ва сешанбадан умумий гуруҳ машғулотларида қатнаша бошлаган.

"Жамоанинг тиббиёт ходимлари ва физиотерапевти футболчининг жароҳатини тезроқ бартараф этиш учун астойдил ҳаракат қилди. Текширув натижалари ижобий бўлди, аммо футболчининг ҳозирги жисмоний ҳолати ва ўйинларга қанчалик тайёрлиги масаласини мураббийлар ҳал қилади", – деди Фарид.

Эслатиб ўтамиз, Остон Ўруновнинг жароҳати ҳақида 21 апрелда хабар берган эдик. 24 ёшли футболчи шу туфайли 1 май куни сафарда ўтказилган "Мес Рафсанжан"га қарши баҳсни ўтказиб юборди. Ушбу ўйинда "Персеполис" 3:0 ҳисобида ғалаба қозонди.

Ссылка :

Источник : fc-perspolis.com

Получайте новости прямо в Telegram!

Рейтинг: +8