Осиё Кубоги. Пол Осмонд: "Икки йил олдин шу стадионни сув босганди"
14 янв 2015 13:47
Новости
Осиё Кубоги. Пол Осмонд: "Икки йил олдин шу стадионни сув босганди"
Осиё Кубогининг гуруҳ босқичи 2-туридан ўрин олган Ўзбекистон - Хитой баҳси бошланишига борган сари кам вақт қолмоқда.
Брисбен шаҳридаги "Брисбен Стадуим"да волонтёр (кўнгилли хизматчи) бўлиб ишлаётган Пол Осмонднинг айтишича, икки йил олдин ўйин бўлиб ўтадиган мана шу стадионни сув босган экан.
"Ўзим инглиз миллатига мансубман, турмуш ўртоғим эса ирландиялик, - дейди Пол Осмонд. - Лекин анчадан бери Австралияда истиқомат қиляпмиз. Кўп йиллар давомида мактабда бошланғич синфларга дарс берганман. Ҳозир эса нафақадаман. Уйда бекор ўтирмаслик учун ўз хоҳишим билан Осиё Кубогига кўнгилли хизматчи бўлдим. Битта ўғлим бор, яқинда 30 ёшга тўлади".
"Ўзбекистон ва Хитой ўртасидаги учрашув бўладиган стадион мен учун жуда қадрдон ҳисобланади. Сизга айтсам, бу ўйингоҳни икки йил олдин кучли жала ва дарё тошқини туфайли сув босганди. Сув тўртинчи қатордаги ўриндиқларгача чиққанди. Бу стадионда ҳам футбол, ҳам регби ўйналади. Регби ўйнайдиган жамоамизнинг оти "Brisbane Broncos", футбол ўйнайдиган жамоанинг номи эса "Brisbane Roar". Ўтган мавсум якунларига кўра шаҳримиз футбол клуби чемпионликни қўлга киритди ва келаси йил Осиё чемпионлар лигасида иштирок этади".
"Мен футболни жудаям яхши кўраман. 2012 йил Лондон Олимпиадасига борганман, шунингдек бу йил Бразилияда ўтказилган жаҳон чемпионатига ҳам бордим ва у ерда бешта ўйинни кўриб қайтдим. "Brisbane Roar" мен учун жуда қадрли клуб, Австралияда фақат шу жамоага мухлислик қиламан".
Х.Холиқов
Брисбен, Австралия.
"Ўзим инглиз миллатига мансубман, турмуш ўртоғим эса ирландиялик, - дейди Пол Осмонд. - Лекин анчадан бери Австралияда истиқомат қиляпмиз. Кўп йиллар давомида мактабда бошланғич синфларга дарс берганман. Ҳозир эса нафақадаман. Уйда бекор ўтирмаслик учун ўз хоҳишим билан Осиё Кубогига кўнгилли хизматчи бўлдим. Битта ўғлим бор, яқинда 30 ёшга тўлади".
"Ўзбекистон ва Хитой ўртасидаги учрашув бўладиган стадион мен учун жуда қадрдон ҳисобланади. Сизга айтсам, бу ўйингоҳни икки йил олдин кучли жала ва дарё тошқини туфайли сув босганди. Сув тўртинчи қатордаги ўриндиқларгача чиққанди. Бу стадионда ҳам футбол, ҳам регби ўйналади. Регби ўйнайдиган жамоамизнинг оти "Brisbane Broncos", футбол ўйнайдиган жамоанинг номи эса "Brisbane Roar". Ўтган мавсум якунларига кўра шаҳримиз футбол клуби чемпионликни қўлга киритди ва келаси йил Осиё чемпионлар лигасида иштирок этади".
"Мен футболни жудаям яхши кўраман. 2012 йил Лондон Олимпиадасига борганман, шунингдек бу йил Бразилияда ўтказилган жаҳон чемпионатига ҳам бордим ва у ерда бешта ўйинни кўриб қайтдим. "Brisbane Roar" мен учун жуда қадрли клуб, Австралияда фақат шу жамоага мухлислик қиламан".
Х.Холиқов
Брисбен, Австралия.
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Комментарии