Осиё Кубоги. КХДР бор эътиборини С.Арабистонига қаратади

Биласиз, кореяликлар биринчи ўйинда бизга 0:1 ҳисобида имкониятни бой беришди. Бугун бўлиб ўтган матбуот анжуманида КХДР бош мураббийи Жо Тонг Соп бор эътиборни Саудия Арабистонига қарши баҳсга қаратишини маълум қилди.

"Биринчи ўйин жуда омадсиз кечди. Энди бўлса иккита учрашувда ўзимизни кўрсатишимиз керак бўлади. Эртанги рақибимиз жуда кучли жамоа. Уларда маҳоратли ўйинчилар кўп. Лекин биз ҳам қараб турмоқчи эмасмиз. Мен ҳалиям келажакка умид билан қараяпман ва шогирдларимга тўлиқ ишонаман".

"Сафимизда жароҳат олганлар йўқ, ҳамма ўйинга тайёр. Ҳозирча бошланғич таркибни аниқлаб олишга улгурмадим. Бугун ўйинолди машғулотни ўтказамиз ва шундан сўнг бир қарорга келаман".