Осиё футболи. "Истиқлол" Уинфред Шеферни ишдан бўшатди
29 апр 2019 18:19
Новости

Осиё футболи. "Истиқлол" Уинфред Шеферни ишдан бўшатди

Эроннинг "Истиқлол" клуби бош мураббийи истеъфога чиқарилди.

Маълумки, ушбу жамоани германиялик мутахассис Уинфред Шефер бошқариб келаётганди. Бироқ охирги иккита ўйиндаги мағлубият мураббийнинг ишдан кетишига сабаб бўлди. "Истиқлол" дастлаб ОЧЛ 4-турида "Ал Ҳилол"га 0:1 ҳисобида имкониятни бой берди. Шундан сўнг ички чемпионатда "Падидеҳ" клубидан ҳам 0:1 ҳисобида мағлуб бўлди.

Шундан сўнг клуб раҳбарияти 69 ёшли мутахассисни истеъфога чиқарди. Уинфред Шефер бу жамоани 2017 йилда қабул қилиб олганди. Унинг қўл остида теҳронликлар чемпион бўла олишмади, бироқ ўтган йил мамлакат Кубогида зафар қучишди. Эндиликда жамоани вақтинча Фарҳад Мажиди бошқариб туради.

Ссылка :

Источник : the-afc.com

Получайте новости прямо в Telegram!

Рейтинг: +2