Шомуродов дебют голини урган, ҳакам римликларга 4та қизил карточка кўрсатган ўйинда "Рома" мағлубиятга учради

"Бетис" ва "Рома" жамоалари ўртасидаги учрашув ҳақиқий драмага айланди. Ҳамюртимиз ўзининг дебют ўйинидаёқ гол ва голли ҳаракат амалга оширишга эришди. Элдор 68' дақиқада алмаштирилди. 

Иккинчи бўлим жуда асабий кечди. Ҳакам умумий ҳисобда 4 бор қизил карточка кўрсатди(барчаси "Рома" аъзоларига).  Ҳаммаси "Бетис"нинг қўл билан киритган учинчи голидан бошланди. Пеллегрини голни инобатга олган ҳакамга эътироз билдирди ва қизил карточка билан жазоланди. Пеллегрининг четлатилишидан ғазабга тушган Жозе Моуринью эса майдонга тушиб кетди ва у ҳам қизил карточка ишлаб олди. Шундан сўнг, Манчини ва Рик Карсдорплар ҳам майдондан четлатилди. Шу тариқа, "Рома" ўйинни 8 киши бўлиб якунлаб қўйди. "Бетис" эса осонлик билан, ўзига керакли ҳисобни қайд этиб қўйди.

Ўртоқлик учрашуви. "Бетис" - "Рома" 5:2

Гол: 4' Родри, 27' ЭЛДОР ШОМУРОДОВ! 30' Фекир, 51' Манчини, 58' Морено, 80' Тельо, 83' Роберт

Четлатишлар: Пеллегрини, Жозе Моуринью, Манчини, Рик Карсдорп

Рома: Руи Патрисиу (Фузато), Карсдорп, Манчини, Смоллинг (Ибанез), Калафьори, Диавара (Верету), Кристанте (Бовэ), Заньоло (Перез), Пеллегрини, Мхитарян (Эл Шаарави), Элдор Шомуродов (Кумбулла)

Бетис: Руи Силва, Сабалья (Мантоя), Эдгар, Виктор Руиз, Алекс Морено, Паул (Роберт), Каналес (Гуардадо), Родри (Карвальо), Айтор Руибаль (Хаукин), Фекир, Борха (Тельо)

Элдор Шомуродовнинг голи:

Шомуродовдан голли ҳаракат: