Ўртоқлик учрашуви. Иордания ўз уйида Ливияни мағлуб этди

Учрашувдаги ҳисоб  31-дақиқада очилди. Жарима тўпидан узатиб берилган тўпни ливиялик ҳужумчи боши билан дарвозага йўллади - 0:1.

37-дақиқада Аҳмад Ҳаел ҳисобни тенглаштирган бўлса, икки дақиқа ўтган Ҳаелнинг пасидан сўнг Саид Мужран жарима майдони ташқарисидан гол уриб Иорданияни олдинга олиб чиқди - 2:1.  Иккинчи бўлимда ҳакам ливиялик икки футболчини майдондан четлатганини таъкидлаш лозим. Аммо учрашувда ҳисоб бошқа ўзгармади. 

Энди Иордания терма жамоаси 15 август куни Осиё кубоги-2015 саралаши доирасидаги Сурияга қарши ўйин ўтказади. Бу ўйин Теҳронда бўлиб ўтади.

6 ва 10 сентябрь кунлари ЖЧ-2014 саралаши доирасида Иордания ва Ўзбекистон қарама-қаршиликлари бўлиб ўтади. Дастлабки ўйин Амманда бўлиб ўтса, жавоб баҳси Тошкентда ташкил этилади.