Ориф Маматказин: “Мағлубият - адолатли натижа”

“Натижа ҳаққоний бўлди. Бизга бугун маҳорат етишмади. Қолаверса ўйин тизгинини ўзимизда ушлаб туриш етишмади. Йигитлар тезкор голдан хурсанд бўлиб кетишди”, - деб гап бошлади Ориф Маматказин.

“Тан олиш керак, бугун кучли клуб ғалаба қозонди. Йигитлар борини бериб ўйнади. Нима ҳам қилардик, ишлашда давом этамиз. Шу ўринда мухлисларимизга ҳам миннатдорчилик билдириб қоламан. Улар бизга далда бўлмоқда.  Ҳакам ҳақида нима дейиш мумкин. Майдонда қарорни улар чиқаради. Ҳозир бирор бир вазиятда уларни айблашдан фойда йўқ”.

“Темур Ғаниевни бугун асосий таркибга киритганимизнинг сабаби, унда махорат юқори эди. Гол бўлган икки вазиятни ҳисобга олмаганда у яхши ўйнади назаримда. Тўғри Ғаниев “Машъал”дан учралган йирик мағлубиятдан сўнг руҳий ўрага тушиб қолганди.  Кейинги ўйинларда дарвозада ким туришини вақт кўрсатади”.