“Оқ-тепа” – “Машъал” учрашувидан кейинги фикрлар

Александр Мочинов (“Оқ-тепа” жамоаси бош мураббийи): - Кубок учрашуви бир ўйиндан иборатлиги ва рақиб олий лига вакили эканлигининг ўзиёқ беллашув осон ўтмаслигидан дарак эди. Шундай ҳам бўлди. Қизиқарли баҳсда биз ғалаба қозондик.

Шогирдларим чемпионатнинг дастлабки турларида ўзларидан кутилган ўйинни намойиш қилиб бера олишмаётган эди. Бугун ҳаммаси режа асосида ўтди. Табиийки, бу натижада ҳам ўз аксини топди.

Александр Хомяков (“Машъал” жамоаси бош мураббийи): - Ҳакамлар? Улар ҳаммасини тўғри бажаришди. Менда ҳакамларга эмас, балки футболчиларимга эътироз бор. Шогирдларимга рақиб биринчи лига жамоаси бўлса-да, учрашув ўйин осон ўтмаслигини уқтиргандим. Аммо барибир шундай қараш бўлди. Натижада мағлубиятга учрадик.

“Оқ-тепа”ни ҳақли ғалабаси билан табриклайман! Навбатдаги босқичда ҳам бу клубга омад тилайман!