"Оқ-тепа": Биринчи кунги машғулотлар ҳақида

Биринчи кунги машғулотларда 21 нафар ўйинчи иштирок этди. Машғулотларда клуб билан амалда шартномаси бор ўйинчилар, Маҳсуд Ҳайитов, Сардор Соибов, Зафар Қорақулов, Нодир Тешабоев, Зокир Мирзааҳмедов, Маъруф Аҳмаджонов, Собир Усмонхўжаев, Илдар Магдеев, Фаррух Йўлдошев, Абдумавлон Турсунов, Шоҳруҳ Пирназаров ва ўтган мавсумнинг иккинчи қисмини ижара асосида “Оқ-тепа”да ўтказган Сардор Аҳмадалиев қатнашди. Ҳимоячи Марат Қудратов бугун машғулотларга қўшилади. Бундан ташқари, 10га яқин футболчи кўрикдан ўтиш учун таклиф этилган. Уларнинг аксари ёш, иқтидорли ўйинчилардир. Дарвоқе, “Пахтакор” футбол мактаби тарбияланувчиси Жалолиддин Саидов ҳам машғулотларда иштирок этмоқда.

"Оқ-тепа"нинг дастлабки йиғини 17 январга қадар давом этади. Йиғин давомида учта назорат учрашуви ўтказилиши режалаштирилган. Жумладан, 4 январь куни “Оқ-тепа” стадионида Ўзбекистон Кубогининг амалдаги соҳиби “Локомотив” билан куч синашилса, 14 январда “Қизилқум”га қарши назорат ўйини ўтказилади. Икки назорат ўйини орасидаги муддат ичида яна бир ўртоқлик баҳсига жамоалар билан музокара ўтказилмоқда.