Олтин кузнинг, олтин медаллари ҳаммага етди

Унда қуйидаги жамоалар ўзаро баҳс олиб бордилар: 

"Пахтакор" - "Бунёдкор", "Орео" - "Челано", "Спартак" - "БЎСМ-16" ва "Бунёдкор-2" - "Локомотив".

Мусобақа фестивал кўринишида ўтганлиги учун унда ғолиблар аниқланмади. Барчага бирдек эътибор қаратилди. Ҳамма жамоа аъзолари олтин медаллар ва кубок билан тақдирландилар. 

Тадбиримизнинг сўнгги кунида эсдалик совғаларини топшириш учун Миржалол Қосимовни ташриф буюрганлигини ўзиёқ, болаларнинг қувончи қанчалик юқори бўлганидан далолатдир. Шунингдек, Шуҳрат Рахмонқулов ва Бахтиёр Ашурматов ҳам тадбиримизнинг финал қисмида мамнуният билан иштирок этдилар.

Мусобақа сўнггида бизга яқиндан ёрдам берган "MY5" канали, "Camera.uz", "Oreo", "Zizi" ва "Start" савдо белгиларига ҳам эсдалик совғалари тақдим этилди.

Сайтимизнинг навбатдаги мусобақаси "Келажак Юлдузлари"-2016 (водий) 15-16 октябрь кунлари Наманган вилоятининг Тўрақўрғон туманида бўлиб ўтади.